黎明愛貓病逝，Janice Man（文詠珊）昨日偕黃浩然出席朗豪坊活動時，被問到會否致電問候老闆，她說：「我都想像唔到自己隻狗如果離開會點，所以唔提係最好，唔想提起人哋啲傷心事，如果係我都唔想人哋打畀我。」Janice的愛犬今年三歲，取名BB，她說：「動物雖然要畀好多時間同愛心去照顧，但亦令到你好開心，我以前每晚都會同BB傾訴心事，同埋會同我瞓，不過近排少咗見佢，因為工作忙，BB畀媽咪湊，搞到佢依家冇咁嗲我。」再問她會否叫男友做BB，她即時不回答，繼而轉話題表示平時工作時亦會帶埋BB，故牠經常出鏡，還表示平日會幫愛犬浸Spa。