黎明昨日現身滙豐與聯合國兒童基金會攜手舉辦的慈善高爾夫球活動，他甫到場即主動接受傳媒訪問，並透露與歌名《BABA》同名的愛貓兩日前腎衰竭入院，但出席活動前收到醫生電話，稱曾一度好轉的BABA突病危，希望他盡快趕到醫院見BABA，Leon說：「醫生提議安排佢安樂死，我話唔好嚇我，希望救得番，去畀啲鼓勵佢，如果唔係都可以臨走前見吓佢！」Leon盛讚BABA是家中三隻愛貓中最乖巧一隻，他傷心地說：「好突然，養咗7年始終有感情，自己未養過寵物，養貓都係近十年嘅事，面對離世更加冇試過！」

黎明出席活動時頻頻講電話，未知是否詢問愛貓的病況？

愛狗及愛貓之人樂基兒，昨日到醫院見BABA最後一面，傷心得哭起來。

據悉，Leon於活動結束後即與太太樂基兒飛車到醫院見BABA，惜BABA在Leon抵埗前已過身，但BABA雙眼依然半開半合，待Leon作最後一抱，BABA才合上眼睛，傷心欲絕的Leon仍要強忍淚水安慰淚灑當場的樂基兒（Gaile），而Leon亦已安排BABA火葬，由於工作關係他不會送愛貓最後一程。

與愛貓BABA的七年情，黎明永記心中。 資料圖片

家有三隻貓貓的黎明，另一隻貓曾亮相MV中。 資料圖片

與主持針鋒相對

雖然心情沉重，但Leon在活動上仍強擠出笑容，未知是否心急到醫院見愛貓，他對主持彭晴的提問均不願回答，當彭晴問他第二年出席此活動的原因，以及要求他介紹捐出的一件拍賣物品時，Leon說：「原因唔需要講……如果介紹咗就會硬銷咗！」及後彭晴安排他到台下休息時，忍不住寸爆說：「多謝Leon今日教識咗我好多嘢！」

及後，小朋友扮演「小黎明」出場，Leon和彭晴就嘉賓是否懂得講廣東話而作出爭辯，當「小黎明」回應「係」時，彭晴竟再寸爆說：「都話佢識講中文，你呢排係咪聽得英文多？」令Leon十分尷尬。