對於徐淑敏首度承認懷孕三個月，姊妹團成員呂慧儀亦戥對方開心，她笑說：「可能佢之前未知（有身孕）呢？又或者中國人傳統怕BB小器，點都好都係開心事，到時會問佢要咩禮物，但就唔會畀現金，呢啲等佢老公送啦！」馬賽則說：「我今日都同徐淑敏通過電話，我諗佢將來個BB一定好精靈！無論係男係女都會好靚！（同BB上契？）要睇緣分喇！但點都會買好多衫仔畀BB。」至於負責婚禮統籌的梁靖琪未肯透露婚宴詳情，只透露會送禮物給BB：「我同Kenny熟啲，依家好多嘢仲傾緊，我諗一對新人最着緊都係BB，所以會買番BB嘢畀佢哋。」