民以食為天,搵食搵食,搵得到自然要有米落肚,o靚模都係一樣,為咗三餐晏仔,真係乜都肯做!但係廣告都有話「擒高擒低靠腰力靠腳力」,唔食飽啲又點有氣力做嘢呢?呢個簡直係惡性循環!
小小So有日撞到Lavina(鍾蕙芝)同好姊妹Rainbow(胡心諾)喺大熱天時開工,引證咗「民以食為天」呢句說話,原來o靚模真係唔易做㗎!
Lavina :影完未呀?好肚餓呀!
Rainbow :好彩我之前食咗隻蕉!
經理人 :影埋呢個Shot可以抖抖。
Lavina :好嘢!影完可以食雪糕!(Lavina突然變得專業,拿拿臨影完!)
當Lavina食緊雪糕之際……
攝影師 :Lavina,你頭先影嗰啲相個妝唔上粉呀!
Lavina : (9秒9速度撲向攝影師)唔係化? 等我睇睇!
聚精會神睇咗一分鐘後……
Lavina :溶晒喇!真係溶晒喇!
Rainbow :係囉!你個妝真係溶晒!
Lavina :唔係呀!係我個雪糕溶晒喇!
此時小小So、Rainbow、攝影師同經理人相對無言!