唐詩詠因與無綫高層陳志雲愛將崔建邦拍拖而地位提升，但她目前的「錢」景並不樂觀！由於要孭家人的債務，她自爆為了「撲水」，平日拍攝武打鏡頭也要頂硬上，導致膝頭傷痕纍纍，她苦笑說：「就算手無縛雞之力但都冇計，為咗搵食都要做啦！好過賺唔到錢還債！好似前排拍《鐵馬尋橋》，入面好多動作戲都要親身上陣，有次因為唔夠體力，整傷咗個菠蘿蓋，企都企唔穩，並唔係鏡頭前睇我咁好打，仲要靚靚咁有姿勢有實際。」

除了拍劇受傷有苦自知外，詩詠笑言做藝人其實有如做「鐵人」，凌晨開工又要日曬雨淋，拍完外景又接廠景，拍至深夜甚至捱通宵，真是少一點體力也應付不來，但藝人捱完又要扮靚靚見人，她說：「有時女藝人遲到，希望大家體諒吓。」