林子祥為電影《淚王子》獻唱主題曲《孤獨的手風琴》，電影原聲大碟昨日舉行發布會，導演楊凡、演員朱璇均有出席。適逢昨日是阿Lam生日，大會送上蛋糕祝賀，楊凡則送上皮包給壽星佬。期間現場起哄要朱璇獻吻，她多番扭擰下才敢走到阿Lam身旁錫面祝賀。而阿Lam亦發揮搞笑本色，對年齡「保密」，更拉自稱年年25歲的譚詠麟落水：「呢啲唔可以講o架喎！總之細譚詠麟一年。（朱璇獻吻？）之前唔知o架！」談到生日願望，阿Lam希望世界和平及身體健康，又透露晚上會與歌迷及太太葉蒨文吃飯慶祝，他說：「我一直冇正式歌迷會，但自從發生意外（跌落台）之後，啲歌迷自己結合起嚟，好照顧我。」

顧住瞓覺難拍戲

問到會否再拍攝電影，阿Lam說：「其實一直都有拍，但都係客串形式。如果要我拍一整部就唔好喇！人哋開工時間我瞓緊覺。」問到錄音過程時，他又繼續搞笑，指自己老人癡呆所以忘記了。

同場的朱璇性感露背示人，更擺出不同甫士讓傳媒拍照。她又以廣東話發言，可惜錯漏百出：「我好鍾意聽陰陽劇（音樂劇），我20歲仲係冇生仔（後生仔），好適合。」聽得全場爆笑。

文：影視組