黃貫中（Paul）與女友朱茵同是愛狗之人，阿Paul共養了七隻狗，包括五隻西藏獒犬、曲架及金毛尋回犬各一，當中以獒犬最為矜貴及巴閉，其中一隻名叫「寶帝」的雌性獒犬獲獎無數，令主人在國際狗展上出盡風頭。
不過，阿Paul否認養獒犬是為攞威：「我鍾意，就係咁簡單。」他表示外人可能被體重近二百磅、身高如成年男人的獒犬嚇怕，但其實牠們馴如羔羊，可愛得不得了。當初阿Paul靠朋友「左託右託」才買得心頭愛，故一直視牠們如心肝寶貝。早前內地有報道指一隻獒犬身價高達百萬港元，但阿Paul覺得人與狗均不可用金錢衡量，故一直未有理會愛犬身價可有如股票般升值，只想牠們能健康快樂地生活。
問到是否花了五百萬港元買狗？阿Paul澄清只買了一仔一女，更在他不知情地誕下三隻狗BB。由於不捨得將BB送給別人，他決定一力承擔牠們一家五口的生活。