琦琦早前到米蘭為黛安芬內衣設計比賽擔任評判，雖只逗留三日兩夜，琦琦亦專程到教堂一遊：「我係天主教徒，每次去意大利必定會去教堂禱告，盡一點心意。」問到有否抽空Shopping，她說：「去到米蘭一定會Shopping，今次只有好少時間，所以一見到啱就即時買，買咗好多軍褸同貼身褲，走嗰陣見到路邊有啲水靴好靚，就即時落車跑去買，有好多顏色揀，但冇時間再睇，於是買咗六對，不過買到自己鍾意嘅嘢好開心。」