傅穎（Theresa）於本月10日以星皓旗下藝人身份出席公開活動，此舉惹怒金牌大風及Talent Bang Limited，兩間公司昨日發表聯合聲明，對此事「深表詫異及強烈不滿」，認為Theresa挑戰法律，已委託律師採取法律行動！金牌CEO陳輝虹接受電話訪問時說：「律師會發律師信畀Theresa，因為我哋兩間公司都覺得合約仍然係生效，佢公開承認簽咗畀星皓，係屬於違約行為！（對簿公堂？）一定會採取必要嘅法律行動，我再重申，金牌由頭到尾冇話過唔幫佢解約，不過Theresa真係好趕住出活動，我哋都冇辦法！」

星皓聲明

金牌大風聲明

星皓交律師處理

其實當年Theresa是由模特兒及經理人公司Talent Bang引薦入Cookies而簽約金牌大風，其宿敵鄧麗欣亦是透過此門徑入行，連當紅模特兒Angelababy及熊黛林的經理人Kim，亦曾効力該公司。據知，原本Talent Bang只要求Theresa賠償六位數字，金牌更願意無條件解約，可惜Theresa在敏感時期突然宣布加盟新公司，令事件愈鬧愈大，問到Talent Bang的立場，陳輝虹說：「佢哋有佢哋諗法，可能要有條件性解約，可能要賠償，不過我唔方便代答。」對於會否阻止Theresa繼續以星皓藝人身份出席活動，以及Theresa的回覆期限等問題，他都以交由律師處理為由拒絕回應。

對於金牌的法律行動，星皓董事總經理彭淑霞透過聲明說：「我們一向尊重法律，每一個程序都有徵詢律師意見，所以現階段真的不能說甚麼，一律交由律師處理。」去意已決的Theresa則在聲明中表示：「與舊公司問題已全交由律師處理，現不方便再作回應。」