名模莊思敏原隸屬Jam Cast旗下，與周秀娜分屬同門，但她曾多次公開批評對方，又暗寸她是外星人，但二人前日在活動上搭膊頭合照，看來冰釋前嫌，但原來莊思敏已離開Jam Cast，轉攻另一間較少o靚模的Elite Model，與她們劃清界線！
記者昨日向莊思敏求證，她坦承轉公司：「我同前公司合約一早完咗，依家係自由身，同Elite Model傾緊，淨係Comfirm會幫佢哋間模特兒學校做導師，簽約與否都未知，不過佢哋會幫我接工作。（係咪嫌o靚模先轉會？）冇關係，大家合作愉快，係自己鍾意教新人行Catwalk，咁啱有呢個機會啫！（你成日批評o靚模喎？）我只係肯表達同講嘢啫！」
