森美及陳志雲前晚在《十人巷黃白大戰》中繼續唱雙簧，四圍辣火頭！陳志雲寸參賽者Bella妝容太濃：「16歲就化到個妝咁厚，一見到佢就諗起樂易玲！」事後他表示樂易玲是玩得之人，不會介意：「佢咁靚女，啲舊男友都係俊男！可能我用個咁後生同佢比，佢開心添！」
陳志雲寸開有癮，竟於玩遊戲時向陳偉霆說：「你公司啲人好鍾意整容㗎喎！」令他大感愕然！陳志雲笑言不擔心唱片公司會嬲：「玩之嘛！（內心嬲你？）唔知就當冇㗎喇！」至於同場的鄧紫棋（G.E.M.）及周柏豪，則分別要以行貓步方式推銷腳癬靈及止屙丸，G.E.M.除鞋扮香港腳發作，甚為搞笑！
