台灣偶像劇小生阮經天（小天）、彭于晏及鄭元暢（小綜）雖然喺鏡頭前鬥餐死，但私底下卻老友鬼鬼，早前彭于晏同小小So傾偈嗰陣，就毫不留情咁寸爆兩位死黨。
小小So：近排一開電視就見到小綜跳舞，不過舞姿就真係……
彭于晏：梗係有啦！難得有人手長腳長，跳舞都唔太似八爪魚，算係咁啦！
小小So：你好衰，咁話你嘅好朋友。
彭于晏：我擺明讚緊佢啦，邊有笑佢！
小小So：我哋啱啱去咗搵小天，佢拍緊電影，但係佢今日冇戲份都照去探班。
彭于晏：嗰個衰仔，之前叫佢去睇我套戲都話冇時間，等我打電話去鬧佢先！仲有，佢條眉咁似蠟筆小新，依家小新冇咗爸爸，佢一定好唔開心！
小小So：哈哈！你咁樣話你嘅好朋友。
彭于晏：我哋平時都係咁互窒，唔會影響大家嘅感情。