擁有一身古銅色肌膚的「翻版楊怡」余曉彤（Hidy），特別喜歡到熱帶地方旅行，最近便選擇到泰國發展模特兒事業，她解釋：「我做咗兩年Model，今年突然湧現大批o靚模，可能競爭大咗，工作量比以前一年減少咗三分之二，收入大受影響。好彩有位巴西籍o靚模特兒朋友同我講話泰國有好多機會，連廣告預算費都比香港大，請人都鬆手啲。」

最想演女警

Hidy在泰國的經理人公司已為她接了三個廣告，她亦準備留在當地兩至三個月，早前到廣告公司試鏡時亦發生一些趣事，她笑說：「泰國嘅Casting同香港有啲唔同，佢哋安排埋化妝師同髮型師幫你扮靚，不過全部都係人妖，因為個個都好大隻，一睇就知。」Hidy坦言起初感覺有點奇怪，不過完成後卻令她有驚喜：「香港嘅化妝基本上都跟日本潮流，但我一向走型格路線，反而佢哋化得較西化，覺得好適合自己。」

Hidy在泰國試鏡時，由一班人妖為她化妝，想不到有意外驚喜。

Hidy提醒大家，曬太陽後一定要敷Mask補充水分。

Hidy現已獲安排入住Apartment，並積極學習泰文，但對香港娛樂圈仍充滿憧憬：「始終係香港人，如果可以都希望有機會拍電影，最想扮演女警，因為以前想做，但冇做到。」

公開化妝心得

皮膚黝黑的人一般都會較難化妝，因為有很多顏色都不可以選用，而Hidy平日最喜歡水上運動，所以她提醒曬太陽後一定要敷Mask補充水分：「化妝最重要個Base打得好，如果皮膚質地好，搽乜都會上粉啲，但皮膚黑嘅人感覺一定乾啲，所以搽有光澤嘅粉底會較適合。」Hidy亦建議化妝時避免選用過於鮮艷顏色，她說：「最好唔好有粉色，而金啡色眼影最能夠突出眼部輪廓。」

文：專案組

Profile

英文名：Hidy Yu

出生日期：88年5月13日

身　　高：170cm

體　　重：50kg

三　　圍：33、24、35

嗜　　好：運動、跳舞、旅遊

演出經驗：獨立電影《愛到發燒》、關智斌的《代表作》MV、Nike、adidas