前晚Salvatore Ferragamo及CRYSTALLIZED施華洛世奇元素舉行《Step into Pink》派對，為香港癌症基金會粉紅革命籌款，劉嘉玲、王敏德夫婦及阮偉文夫婦等出席支持。

嘉玲表示近五、六年開始檢查身體，雖然沒有全戒夜蒲，但十分注重健康：「依家早睡早起，煙都戒咗五年，偉仔戒咗八年，大家會一齊跑步。」她表示不懂自我檢查乳房，會去搵醫生：「雖然尷尬，但慢慢會習慣。（受朋友影響注重健康？）尤其係阿梅（梅艷芳）。（佢生忌？）係喎！唔記得咗。」至於會否提點偉仔留意男性的前列腺病，她說：「呢啲病不嬲都有，大家應留意健康。」

另外，嘉玲否認減產，亦有片約在身，對於關之琳怕辛苦而不拍戲，她說：「每個人要求唔同，我有工作能力同機會要珍惜。（將訊息畀王菲？）每人都唔同，要適合自己先開心，我唔可以喺屋企太耐，否則會病。」

生BB順其自然

問到會否擔心剛康復即拍戲的偉仔，她說：「唔怕，好多人睇住佢，佢有替身。（佢好搏？）哈！佢心境後生，唔知自己幾多歲，以為自己應付到。」她又表示沒有考慮人工受孕。

而苗僑偉（三哥）昨日出席奧海城活動，表示稍後與黃日華於新劇有打交戲份。三哥笑指當年五虎只會意見不合而不聯絡，還未到動手階段：「我哋比較冷靜。（梁朝偉最唔合群？）佢嘅世界好難估計，好耐冇見，佢唔需要聯絡人。」他又表示不知對方早前傷手。