香港的居住環境狹窄，與家姐曹敏莉一同從美國來港發展的曹敏寶（Mable），為解思鄉病，只好飼養兩隻迷你貴婦狗，為Mable的家居增添生氣。最愛養狗的她表示，雖然最愛牧羊及金毛尋回犬，但因香港的居所較窄，她只好退而求其次，飼養可愛兼精緻的迷你貴婦狗：「大嘅叫Honey，一歲；細嘅叫Bella，得七個月大，但佢好識嗲人，可能因為佢係女仔，但係佢有時都好惡死，佢對住Honey嗰陣，就展現咗女仔嘅『倀雞』本色，但對其他人時變得好純！」
Mable笑言不敢隨便帶Honey及Bella外出，因為牠們會暈車浪，更曾在車上嘔吐，相當惡頂：「我以為人先會『暈車浪』，原來狗都有，所以我唔敢隨便帶佢哋出街，最多間唔中落樓行吓，平時多數喺屋企同佢哋玩，唔搭車就唔使為佢哋會嘔而煩！」
文：影視組