莊思敏、周秀娜（Chrissie）、椋名凜、孟瑤、A. Lin及Annie G.昨日齊集深圳，錄影節目《無敵獎門人惡鬥美女廚房》。雖然莊思敏曾指周秀娜乃「外星人」及不與o靚模同場，不過二人昨日卻相處融洽，搭膊頭合照，令人嘖嘖稱奇！莊思敏接受訪問時更自爆前晚相約周秀娜「飲嘢」：「佢話『外星人』個名好得意。（嬲你？）我哋成日講笑，我仲笑佢成日講外星話。（唔怕畀人話你虛偽？）唔怕，之前講嘅係我自己立場，冇影響大家相處。」她還揚言與周秀娜相熟，但並非相約上街。

孟瑤巨胸頂碗

至於出名EQ高的周秀娜繼續自嘲說：「外星人唔識地球，去咗地球就要搵地球人（指莊思敏）帶住。（有傾偈？）有，講吓扮靚，我仲同佢講笑，地球人大戰外星人呀！」而椋名凜玩遊戲「推落水」時，不小心被浮板上的玻璃割傷右腳，血如泉湧，工作人員即為她止血。事後她表示有點痛，亦曾擔心毀容。

椋名凜玩遊戲時割傷右腳，志偉即上前慰問。

放大圖片

此外，今次節目錄影，竟將女星的標青身材收起，大有「禾稈冚珍珠」之感，不過孟瑤仍能利用天賦巨胸，玩遊戲時成功頂着13隻碗過關，令人「眼界大開」！

孟瑤玩頂碗遊戲時，全力以赴。

陳蕊蕊（左）與阿Wing以三點式上陣，性感青春。

文：影視組　攝：吳文聰深圳傳真