壽星女Lynn專程飛泰國，會合城城城共度浪漫29歲生日，甜蜜攻城72小時後昨日風騷返港。即將於本月26日踏入44歲的城城，生日當天將繼續在泰國拍攝《B+偵探》，昨日導演彭順說：「到時城城拍緊戲，我未收到佢要生日放假喎！因為全片喺曼谷取景，好趕，要11月前完成，所以除咗本月17日城城要返香港再為配音動畫《阿童木》宣傳，其他日子佢『應該』都喺泰國。」
城城又在泰國，Lynn可會再飛當地為他送驚喜，其模特兒公司經理人Kim，昨日被問到Lynn何時有假期「再度攻城」？Kim詐傻扮懵地說：「係咪打麻雀，攻打四方城？Lynn有工作做，佢要拍嘢，跟住要為電影開工，起碼到2010年農曆新年先有假期。」Kim又強調Lynn不喜歡被稱呼「城嫂」，認為叫「阿Lynn」更好聽。