全程企定任影

雖然率先回港的城城依然未肯公告名分，可是遲他兩小時回港的Lynn卻全程笑晒。昨午2時40分，Lynn腳踏與城城一樣的Converse情侶鞋，心有靈犀架上墨鏡，穿上Marc Jacobs短Tee及牛仔褲步出機場，只見她獨自手推行李出閘，身旁未見有人陪同，甫出閘後，助手及司機即為她推行李準備離開，當Lynn看見十多個記者上前追訪，起初她仍有所避忌，不過最終亦肯企定定接受訪問。期間，Lynn全程緊握着女助手的手，甚為風騷！

Lynn被大批記者包圍，她不怒反笑，有問必答。	Lynn動作多多，談到敏感問題都以笑帶過。	Lynn和女助手（右）手拖手離開機場。

記者＝記　熊黛林＝熊

記：係咪「攻城」成功？

熊：冇乜好答。

記：真係冇搵城城？

熊：（冧笑）我生日放假好輕鬆，好開心！

記：有傳你哋喺酒店又做Gym又游水喎？

熊：我冇游水，亦冇做Gym。

不愛被稱城嫂

記：咁你72小時玩過乜？

熊：（笑得合不攏嘴）好簡單！

記：係咪食飯？

熊：（似暗示見過城城神情冧爆）我一定要食飯。

記：兩個食？

熊：（再冧笑）呢啲唔答好唔好？

記：係唔係怕畀人話送上門？

熊：（再再冧笑）哈哈哈哈！

記：擔心畀人話？

熊：擔心乜都冇用，我可以做嘅就係講少啲！

記：你依家做咗城嫂喎？

熊：（語塞）呢啲嘢我唔鍾意。

記：唔鍾意啲乜？

熊：唔鍾意人咁叫我，因為人哋會覺得我自己講自己（似在撒嬌）。

記：你唔想確定城嫂地位？

熊：我想做番自己囉！

記：你係咪最想確定城嫂身份？

熊：（舌累住講）唔係！

記：生日願望係乜？

熊：冇乜特別，奢望自己永遠都咁開心！

收到很多禮物

記：城城送乜禮物畀你？

熊：（想了約3、4秒，顯得十分尷尬）呢啲唔講喇！總之收到好多禮物！

記：咁你想幾時結婚？

熊：冇諗咁多！

記：刻意同城城前後腳返？

熊：（突然像啞巴一樣）唔該晒！

期間Lynn準備上車，在等車時，她再企定定回應記者提問。

記：咁生日係唔係一個人過？

熊：其他嘢我唔講喇！

記：係唔係全程喺酒店？

熊：我有出過去，真係唔講喇！

記：係咪覺得自己勝利？

熊：冇乜勝利唔勝利，生日都好平常啫！

記：你係唔係去搵城城？

熊：我自己放假啫！

離開機場後，Lynn由公司同事陪同下，到西半山一間寵物店接回愛犬，即然後返回大坑寓所，其後沒有再外出。 採：音樂組　文：專案組