剛大學畢業的蔡瑩瑩（Ivy），當Part-time模特兒時因誤信他人而被迫性感，更因此觸怒爹哋！
雖然Ivy大學畢業後隨即簽約施念慈（Celia）旗下的公司，但她正式入行前，透過朋友介紹成為Part-time模特兒，更膽粗粗參加《動漫節Game Girl》選舉，但到上台前最後一秒才發現貨不對辦：「負責人喺面試時同我講，大會指定衣着係長袖衫同及膝裙，但係第一次出席公開活動嗰陣，先發現係Tube-top同迷你裙，帶去嘅打底衫根本唔啱用！」深感被騙的她，因與大會簽了合約，只好頂硬上：「出場後，我仲要企喺高台，面對一班傳媒同龍友，嗰一刻幾乎當眾喊出嚟！」其後照片在報章雜誌曝光，Ivy爹哋發現後即禁止她參賽：「咁啱我準備出門口，嗰次係第三次大會活動，爹哋唔畀我出門口返工，嗰一刻成個人崩潰，喊到收唔到聲！」
對龍友改觀
不過，Ivy為尊重合約精神，還是硬着頭皮完成工作，更因此結識了一班好友及對龍友改觀：「有次個龍友大嗌我個名，起初我唔想理佢，但係佢追上嚟，係為咗送張相畀我！」
Profile
姓 名：蔡瑩瑩 （Ivy Choi）
出生日期：1983年4月20日
學 歷：香港理工大學紡織及製衣學系學士學位
網 誌：jacso.hk/ivychoi
文：吳靜嫻 攝：劉智源