模備受熱捧，但來自芬蘭的「翻版Mandy Lieu」Silji V.不想成為其中一分子，她表示豐滿的上圍不是成功的主要因素，她希望能躋身國際名模之列，並視Alek Wek為奮鬥目標。
有「翻版Mandy Lieu」之稱的Silji V.，18歲開始模特兒生涯，當時是Part Time性質，但升讀大學一年後她毅然輟學，隻身來港發展模特兒事業：「書幾時讀都得，但機會唔係時時有！」自小立志成為出色攝影師的她，沒有放棄理想，她認為模特兒事業經常接觸不同事物，對啟發創作有極大幫助：「增廣見聞可以令我以不同角度睇呢個世界！」現年21歲的她，對「胸」湧o靚模略知一二，但她不希望與o靚模相提並論，因為大家理想各有不同：「我只醉心模特兒事業，主攻High-end路線，我好鍾意國際名模Alek Wek，希望有日好似佢咁成功！」
通曉多國語言
韓國天王Rain早前來港舉行《Fashion Concert》，Silji V.在芸芸模特兒當中脫穎而出，在演唱會上展示Rain個人品牌「Six To Five」系列，她說：「我好鍾意韓國，因為當地人好友善，而且又有文化色彩，我依家學緊韓文。（發展韓國市場？）我只係為興趣而學！」Silji V.自小已很有語言天分，精通英文、德文及意大利文，問到是否精通廣東話，她說：「依家長居香港，為求方便，我學廣東話已有大半年喇！」
途人索合照鬧笑話
對於「翻版Mandy Lieu」這個稱號，Silji V.顯然十分受落：「她又靚又叻，似佢Why Not？起碼因為佢，先多人識我！」她表示經常被誤認是Mandy Lieu，鬧出不少笑話：「成日有人走嚟要求合照，我話我唔係，佢哋唔信，真係好好笑！」
姓 名：Silji V.
出生日期：1987年9月11日
國 籍：芬蘭（有日本人血統）
身 高：5呎11吋
三 圍：32、24、35.5
曾演出時裝騷：YSL、Fendi、Joyce、Donna Karan等
模特兒公司：Dreamodels
文：劉慰思 攝：劉智源