劉心悠及任達華昨日擔任《LG Live Borderless》產品發布會嘉賓，心悠自爆任達華是她心目中理想的老公類型：「華哥好照顧新人，我初初出道廣東話唔好，佢好Take Care我。我哋拍戲時又做過夫妻，覺得佢對太太無微不至！拍戲空檔又成日同囡囡講電話，好Sweet！（年紀相差太大？）年齡唔係問題！（接受忘年戀或姊弟戀？）當遇到都會，感情嘅嘢係你就係你！」

紐約開影展

而攝影發燒友任達華透露，明年九月在紐約開攝影展，為期十日，昨日更在場內率先展示了四幅作品：「屆時會展出60幅，依家已完成30幅！今次主題係『五季』以殘花為主題。」他表示以往經常四圍飛影相：「有咗個女後覺得唔可以再咁自私，唔會再去好遠嘅地方影相，寧願喺屋企影花！」

另外，劉心悠獲Shiseido邀請，拍攝全新MAQuillAGE 09全效保濕粉底系列宣傳照，着上小背心的她，為營造保濕水凝效果，要不斷噴水弄濕頭髮，但她仍欣然接受。

文：名人組