周麗淇（Niki）昨日出席《環保中秋－月餅罐回收》活動，穿上紅色露背裙上陣的她，大騷白滑玉背，跟四位打扮成白兔仔的小朋友，呼籲大家將用完的月餅盒放入回收箱循環再用。Niki透露今年成為月餅廣告代言人，月餅食得特別多。她透露讀書時曾利用鐵罐收藏同學之間的信件，但近年以電郵代替，方便快捷又環保。

為食惹禍

提到剛過去的中秋節，單身的Niki雖然未能「人月兩團圓」，仍特別抽空跟家人食飯，但為食的她竟樂極生悲：「媽咪煮咗好多上海菜，我忍唔住狂食，之後飲完紅酒又飲香檳，可能太多氣，搞到嘔兩次。」

Niki笑言嘔完之後繼續食，連媽咪也忍不住鬧她「嘥米飯」，問到為何突然「餓鬼」上身，Niki說：「可能前排感冒乜都唔食得，難得身體好番又撞正中秋，咪不停食囉！（唔怕肥？）都有肥呀！原本食到有少少肚腩仔，嘔完又冇咗，哈哈！」

文、攝：音樂組