金馬獎影帝角逐激烈，張家輝及吳彥祖分別憑電影《証人》及《如夢》入圍，有望初嘗台灣影帝滋味！家輝坦言從影20年，未試過因工作關係到台灣發展，他說：「連啲梳頭、化妝、服裝阿姐都去過台灣交流，我就連拍劇同宣傳都未去過，淨係去過兩日旅行！但完全感受唔到氣氛，呢個地方對我嚟講好神秘，能夠喺度提名好榮幸。」問到有否信心？他表示雖未看過其他對手的演出，但仍甚有信心。提到過去兩年均穿着同一套幸運西裝出席金像獎，問到會否再穿？他說：「雖然好火羅，好似冇錢買衫咁，不過都會考慮吓！（帶埋太太去？）可以考慮。」至於吳彥祖坦言尚未看《如夢》的完成品，而雖然拍攝過程辛苦，令他消瘦20磅，但亦覺值得，並多謝導演羅卓瑤教導。