江若琳、陳偉霆、趙碩之和陳楚喬昨日出席新戲《關人7事》宣傳活動，在片中為幫男友還賭債而賣淫的江若琳表示，現實中擇偶條件甚多，不會為仔死為仔亡：「現實中梗係唔得，我接受唔到男仔嫖賭飲吹，戲中我男友仲要一腳踏兩船添！我梗係唔得啦！」在旁的導演彭發聞言即笑說：「唔怪得你咁耐都仲未搵到男友啦！」此言一出，即令全場哄笑。
而江若琳師妹陳楚喬在片中將銀幕初吻獻給鄭融，問到最想咀哪位男藝人？她開心地邊喊邊說：「最想咀古天樂，（想唔想嫁畀古仔？）都好喎！其實佢膚色好白嘅時候已經鍾意佢，好想成為佢Fans會員，嫁唔到佢，做會長都好。」
