趙碩之（Wylie）和宿敵周秀娜（Chrissie）合作新片《死神傻了》，但主角Chrissie因要到日本接受雜誌訪問，未能出席前晚的首映，要配角Wylie獨撐大場。Wylie沒有放過出位的機會，輕易搶盡風頭。
《死》片前晚舉行首映禮，Wylie、鄭融、謝安琪、農夫、陳偉霆和陳若嵐出席，獨欠主角之一的Chrissie出現。在蜀中無「大將」下，Wylie穿上一襲Deep V露背裝現身，成功凸圍。問到是否因Chrissie不在而刻意搶鏡？Wylie說：「唔係，人哋先係主人家，佢哋先係主角，我都係客串咋！唔係搶風頭，大家合作都好開心，其實件衫唔係特別性感，件衫係朋友贊助。」
自製「胸難」真人騷
談及穿着，Wylie趁Chrissie缺席，即自製「胸難」真人騷：「拍戲時要求大胸，所以要用大力膠紙撐住個胸，搞到損咗，疤痕都仲喺心口度未褪！」她透露傷口在胸部的中間位置：「依家乳溝損咗，着啲衫性感啲都會見到條疤痕，都唔知點講畀媽咪聽，同佢講話波波損咗，要買褪疤膏。」
談到為何不帶師妹尹蓁晞（Yumi）出席，Wylie表示要看公司安排，自己也十分期待Yumi復工，問到有否教Yumi走出雪櫃招數？她說：「冇！我自己都唔識，我有安慰佢！」
Miki否認住豪宅
此外，有份出席《死》片首映的楊愛瑾（Miki），問到為何沒有請金牌大風的舊同事前來？她說：「我都係捧人場，梗係唔可以請人嚟啦！」對於有指她住豪宅，Miki說：「唔係！嗰度唔係豪宅，我唔係買，只係租咋，我住呢間仲平過以前住嗰間！（有指你做咗闊太？）如果係我唔使轉新公司啦！我唔想人哋咁睇我，我係自力更生嘅人！」同時，Miki又否認與太子爺拍拖，也不覺得對方已展開追求。問到有指她與傅穎狙擊「姊妹」鄧麗欣，她說：「冇，係誤會嚟嘅，我同Stephy、Theresa、Kary都冇聯盟，我一路都當佢哋三個係好姊妹！」
採：影視組 文：專案組