現年46歲的佐治，98年於美國洛杉磯的公廁內尋歡，向臥底警員露出下體而被捕，同志身份被公開！多年來屢因吸毒及藏毒被捕的他，去年9月於倫敦被譽為同志勝地的公廁內流連，警方在其身上搜出可卡因及大麻，最後被警告了事。知情者指事件成為他被飛的導火線，皆因Kenny知道佐治到公廁獵仔，他已忍無可忍，終於在去年聖誕提出分手！雖然佐治苦求復合，但Kenny堅持分手，只維持合資畫廊的合夥人關係。

推Job玩自閉

知情者還透露，佐治與Kenny本打算在拍拖10周年（06年）拉埋天窗，但Kenny要求佐治要先戒除不良嗜好，可惜佐治一直做不到！而自分手後，佐治的行為變得怪異，除經常自困家中生活兼沉迷電腦遊戲外，更暫停工作，押後推出演唱會DVD，知情者說：「佢應承咗出Live In London嘅DVD，不過佢唔想睇番片段中嘅自己，直到最近先好啲，有望12月可以推出，足足遲咗成年！」不過，他在6月時突然現身Beyonce的演唱會，又無故地解僱經理人，令人擔心他會崩潰！