劉心悠與黃宗澤（Bosco）昨日齊穿上晚裝及禮服，為莎莎婦女銀袋日到跑馬地馬場試造型，兩人又一嘗坐馬車的滋味。原來心悠從未試過買馬，問她可有橫財運，她說：「我好少賭，淨係新年時同屋企人打吓麻雀。」她又表示很想騎馬，但知道有一定危險：「聽人講要好小心，同埋自己能力未必能應付，所以想自己練大力啲先，識騎馬對拍戲都有幫助。」
而Bosco則表示會跟朋友夾錢買馬：「我唔係好叻賭馬，通常都係同朋友夾吓同畀錢朋友幫我買，雖然冇贏過大錢，不過都有啲斬獲。我有跟叻哥（陳百祥）買馬，有輸有贏打個和啦！自己睇馬就會睇隻馬靚唔靚、馬名勁唔勁同埋騎師件衫Sharp唔Sharp嚟揀。」
對於日前有雜誌傳鍾嘉欣背着林峯偷食，Bosco表示不知情：「唔知喎！我一向好少睇雜誌，不過啲字眼唔好咁肉酸，男未婚女未嫁，咩偷食啫！」