樂壇新人羽翹（Ava）平日雖然斯斯文文，原來也是個「舞」得之人，她於港大就讀時，已是舞蹈學會的中堅成員。數到偶像，當然首選舞台王者郭富城，提起偶像即興奮大叫的Ava，如數家珍地說：「城城真係好有型，自己鍾意跳舞唔多唔少都受到城城影響，依家自己仲有學緊舞，唔敢話想好似城城咁叻，如果有日可以得到觀眾認同已經好開心啦！」
此外，早前有幸與偶像合作拍電影，Ava說：「城城跳舞勁之餘，眼神仲好吸引，好開心之前可以喺《殺人犯》同佢合作，雖然唔係好多同場，但可以近距離同偶像接觸，真係好開心！」她又表示與城城合作過後更佩服其專業精神：「真係好欣賞佢嘅專業同演技，不愧為影帝。」
