昨晚崔建邦在經理人陪同下到長沙灣警署報案，他說：「10月3日收到滋擾電話、短訊叫還錢，我冇欠人錢，係我阿哥開時裝店欠債。我同屋企人幫佢好多，佢生意失敗，應該承擔番。（同哥哥關係點？）有聯絡，我搵到佢，佢好後悔話會負責。（警方保護？）唔使，我工作如常，警方叫我再受滋擾可以搵佢哋。」
此外，陸詩韻昨日為崔建邦主持的《My Name Is 邦》任嘉賓，對於被指遇人不淑，她說：「唔關我事，唔知點解上封面。（畀人呃？）件事過咗咁耐，當日冇回應，依家都唔回應。（慶幸甩身快？）好多嘢講Timing，我依家同上年都唔同晒啦！」而陳倩揚被指貌似賭王紅顏知己鄧詠詩，她說：「幾搞笑！」
