昨日何韻詩在活動上透露將在個唱中推出一系列副產品，包括發聲公仔、USB及螢光火柴等，而售價50港元的螢光火柴收益，將撥捐她的慈善基金：「呢支火柴會頂爛出面嗰啲螢光棒嘅市場！」而左手手㬹瘀黑的她透露，日前綵排舞大旗時被棍扑：「因為排舞室太細，啲舞蹈員撞嚟撞去，唔小心用棍扑到我，不過我懷疑佢哋因為跳舞太辛苦，所以報仇！」此外，她表示個唱服裝由張叔平設計：「張叔平今次幫我做啲衫好高難度，有件仲好少布，可能大家會見到啲唔想見嘅嘢！」