子珊日前到銅鑼灣唱片舖視察新碟反應，得悉新碟於一小時內賣出四百張後，大感興奮，更在其人形紙牌上簽名留念，但店員竟透露該紙牌只放了一日便被偷去：「吓！偷嚟做乜？」歌迷笑說賊人打算相擁「子珊」入睡，對此她甚為抗拒：「唔好咁喎！首先偷嘢已經唔啱，呢個係人形紙牌，唔可以用嚟攬住瞓覺！」她坦言對此感不快，惟有希望賊人只是放在家中欣賞，不作其他用途。

大批歌迷聞風而至，搶購偶像的處女碟。	徐子珊的新碟銷量不俗，難怪收錢收到冇停手。	放大圖片

巡舖期間子珊即興充當售貨員，吸引逾百市民圍觀。早已聞風而至的歌迷，更即時買碟給子珊簽名，部分更幫外地歌迷一口氣購買逾百張唱片，子珊對此相當驚訝：「嘩！邊個買咁多？」當她得知買家是外地歌迷時，既開心又感動，更逐一在碟上簽名。

售貨初哥錯漏多

此外，首次任售貨員的子珊坦言，不會操作收銀機，故深怕收錯錢，驚倒自己米！

文：音樂組