06/10/2009

播放本新聞相關短片

鍾欣桐回歸影壇再做女主角

鍾欣桐(阿嬌)復工後工作不斷,稍後再戰影壇,擔正做女主角,前晚她現身容祖兒的音樂會時更獲力撐!

自去年初爆發床照風波後,阿嬌曾閉關積極備戰,學英語及跳舞等,今年3月正式復工,除了拍廣告及登台外,早前還處女下海演出舞台劇,大獲好評,為她注下強心針!除了以上三擊外,阿嬌已敲定擔正演出由杜汶澤(阿澤)監製的新片《前度》,新戲由英皇電影以7位數字投資,作為阿嬌復工的第四擊!

新片奉旨戀師弟

阿澤前晚出席活動時說:「套戲大約12月開拍,阿嬌係女主角,男主角就物色緊。呢個係愛情故事,阿嬌係做『前度女友』,會周旋喺幾個男生之間。(靈感來自佢嘅現實生活?)呢樣我就唔知!」他更大讚阿嬌很用心:「佢會打嚟同我商量套戲嘅方向,同埋男主角人選。阿嬌視呢部係復出之作,佢好緊張,好積極為新戲做準備,劇本已初步完成!」據知該片由師弟陳偉霆及洪卓立任男主角。

對於阿嬌拍戲,堪輿學家麥玲玲亦表示今年對她有利:「明年係相沖年,驛馬運好,如果套戲打入外地市場,成績會唔錯,事業亦有突破!如果套戲喺夏天上映,會對佢有利!」她更指動作片較適合阿嬌。

另外,容祖兒前晚為《JOEY YUNG PERFECT 10 LIVE 2009》演出尾場,英皇老闆楊受成率領旗下歌手支持。尾聲時,阿嬌與蔡卓妍(阿Sa)以Twins姿態突擊上台,嚇了祖兒一跳,祖兒隨即攬實阿嬌,向歌迷說:「我哋一齊支持佢(阿嬌),好唔好?」歌迷即報以掌聲,祖兒更笑說:「我哋係英皇嘅龍、虎、豹!」並擺出搞笑甫士。

祖兒High到逼爆鈕

祖兒High到褲頭鈕扣也鬆脫,她大叫:「好衰㗎!點解冇人提我?仲錄影緊!」有歌迷大叫:「爆多次!」祖兒說:「都唔知幾時爆,除非由頭唱過,唔制呀!」本報昨日在YouTube發現有人將祖兒的短片放上網,英皇發言人表示無奈:「稍後會出DVD,希望歌迷唔好心急!」

工作排到出年

正式復工的阿嬌,除了留港工作外,並會到美國及內地登台,工作排得密密麻麻!

廣告:

代言本地大型連鎖店

法國手錶品牌廣告

2個內地廣告(待公布)

音樂會:

本月底與容祖兒及古巨基到美國登台

12月到蘇州、上海及廣州等地舉行巡迴音樂會

《英皇十周年音樂會》

影視演出:

12月演出電影《前度》

明年1月拍攝台劇

內地大型電視劇(待公布)

文:專案組