謝安琪同陳奕迅（Eason）不時傳出緋聞，搞到出現異常複雜嘅四角婚變新聞，傳媒就梗係唔肯放手，不停針對住張繼聰同謝安琪兩公婆嘅私生活，仲成日有狗仔隊喺佢哋屋企樓下埋伏，好似想等到人哋真係婚變為止。
張繼聰：啲天王呢排都幾慘，我睇新聞見佢哋都謝晒，好憔悴咁！
小小So：冇辦法啦！偶像派係要承受呢啲嘢。
張繼聰：唉！其實去到佢哋依家呢個位，真係好大壓力㗎！
小小So：唔係喎！你應該開心先係吖，啲狗仔隊去晒等天王，唔再去你屋企埋伏，哈哈！
張繼聰：咁又係喎，原本都仲有啲雜誌喺我樓下等，點知前排啲天王瞞婚幾單嘢一出，就即刻唔見晒啲採訪車。
小小So：咪係囉！你應該可以抖吓氣，唔使成日畀人跟住！
張繼聰：係囉！即管可以放心抖吓，遲啲就唔敢講喇！