楊千嬅貴氣突出

「一見到呢身打扮，就覺得佢有貴氣。身形細粒嘅佢，着上呢件衫顯得好修長，下半身長度同比例好，單肩Cutting令膊頭突出，啱晒膊細嘅佢。」

官恩娜配搭得宜

「比起平日古靈精怪又唔啱身嘅打扮，佢今次着得唔錯！斜膊Cutting令本身寬膊嘅佢靚咗，件衫嘅顏色又襯皮膚，條Belt又突出到線條，加對名牌高踭鞋Match得幾好。」

Angelababy青春逼人

「呢個造型好年輕，切合佢嘅年紀同身形，令佢好突出，配合適當嘅化妝同髮型，畀到人年輕新一代嘅感覺。」

區文詩長度尷尬

「成個造型好青春，算係勉強合格，但件衫嘅長度有啲尷尬，如果加條長啲嘅裙喺入面襯吓，做Layering會好啲。」

Freeze難脫娘味

石詠莉「個Look好論盡，對鞋Heavy又男性化，好肉酸，着高踭鞋好啲。」

甄穎珊「件衫嘅長度唔湯唔水，加個花花扣針娘娘哋，爛腳熱褲MK味好重。」

陳樂榣「佢露得好驚，衫尾剪爛咗唔討好，條低腰褲又太低，有少少意識不良。」

Profile

入行已8年的郭慶彬（Ricky）主力從事廣告形象指導，曾為樂基兒及熊黛林等打理形象，Ricky亦有在銅鑼灣設店，專售英國及日本時裝。