30/09/2009

播放本新聞相關短片

官恩娜爆男友百冇

官恩娜(Ella)昨日出席活動時,為「港女嫌棄宅男」大平反,她更自爆現任男友雖然冇車冇樓,但依然深愛對方。

江若琳(Elanne)、方中信、張智霖(Chilam)及Ella昨日出席《中女宅男殺很大》活動,提到港女嫌棄宅男,Ella大表反對:「只要個男仔對我真誠同埋錫我就得!」身旁的方中信聞言即笑笑口反對,表示現實生活並不那麼簡單,Ella即激動得彈起身反駁:「雜誌成日影到我車男朋友,係因為我男朋友冇車又冇樓,但係佢真係好錫我同好愛我!」她又表示早前曾被擁有林寶堅尼跑車的有錢公子追求,但她有感男人最重要是有內涵,故婉拒對方好意。

Chilam嘲老婆「熟透」

至於獲委任為「中女救星」的Chilam,在台上踢爆老婆袁詠儀已經過了「中女」時期,但他事後卻不停兜:「因為佢已經係一個完美熟女,超凡脫俗,並唔係中唔中女咁簡單!」此外,今日剛滿22歲的Elanne透露,將會邀請同事及好友在家中舉辦生日派對,並由媽咪親自下廚,實行玩餐飽。

音樂組