初為人母的Kelly將愛子劉昇（Chace）放在第一位，昨日她到救世軍油麻地長者地區服務中心派月餅時，亦三句不離囝囝：「中秋節我會放假陪囝囝，公公（Kelly爸爸）送咗五個燈籠畀個孫，五年都玩唔晒。」台下有婆婆提議：「三年抱兩。」Kelly開心地說：「承你貴言。」

陳慧琳向長者派月餅，愛心爆棚！

Kelly指囝囝聞到月餅香即伸脷，十分搞笑。

事後Kelly受訪時表示三年抱兩最理想，而且第一胎佗得不辛苦，現在等身體復原，一年後再計劃生BB；Kelly坦言見到Chace便開心，可不睡覺看着他，故目前工作以簡單為主，只是忙於籌備新碟，預計農曆年推出。問到會否送首歌給囝囝？Kelly說：「有，將《戀愛情色》改國語版，歌名未定，但會保留Kiss me boy呢句歌詞。」

Chace聞月餅急伸脷

Kelly大談湊仔趣事：「美心送咗囝囝名嘅月餅，我攞畀囝囝聞，點知佢即刻伸脷，幾乎縮都縮唔切；有次我伸個拳頭去佢下巴，佢又即刻舔，衰咗。（仲有冇餵人奶？）完咗，兩個幾月夠皮。」Kelly透露收工後要趕返家，趁老公未放工時霸住湊仔：「老公同我爭抱，好Enjoy！」

文、攝：音樂組