何超儀昨日出席HBO高清台活動，問到爸爸何鴻燊的紅顏知己鄧詠詩結婚，會否恭喜她？超儀顯得十分避忌，並表示不想講，隨即有工作人員終止記者的訪問，並拉開超儀！不過，提到爸爸的情況，超儀即滔滔不絕，並透露爸爸出院在望：「我尋日（前日）探過佢，精神好好，出院在望，但未知幾時，因為我係全屋最渣嗰個，乜都唔知！（陪爹哋食中秋飯慶團圓？）唔知！有得食咪去囉！」
超儀透露去醫院探望爹哋時，也會帶碟給他娛樂：「呢幾日我負責攞DVD碟畀佢，主要係周星馳系列，因為佢鍾意睇。（帶你主演嘅戲畀佢睇？）我今次拎CD先，由睇MV開始，之後再畀《蝴蝶》佢睇，佢之前唔得閒睇。」至於有傳賭王轉院，幾房太太有爭拗，超儀自稱與世無爭，是山洞裏的野人。