美國樂壇天后Katy Perry為咗幫李家誠間酒店造勢，旋風式嚟香港幾日，獻出佢喺香港演出嘅第一次。城中唔少名人聞風而至，希望一睹呢位天后嘅風采，小小So都有去趁熱鬧！不過見到佢嗰陣真係戥佢擔心！
因為對上一次見佢係上年啱啱Plug緊《I Kissed a Girl》嘅時候，嗰陣佢啲皮膚都已經麻麻哋，好多粒粒要靠化妝遮住！大半年後再見番佢，Katy嘅皮膚唔止冇改善，仲要差咗添！唔使近距離望佢都發現佢面部皮膚生滿暗瘡，凹凸不平，連遮瑕膏都幫佢唔到！佢嘅皮膚狀態真係慘不忍睹呀！
不過，平日大家喺報紙雜誌見佢皮光肉滑，皮膚零毛孔又零瑕疵，真係要多得攝影師打晒燈同執晒相，所以話「上鏡靚過真人」就係咁解！