本文重點
阿詩和軒仔昨日為森美小儀歌劇團《加樽抽》宣傳，小儀炮製炒麵給大家試食，阿詩坦言媽咪完全不懂煮餸，故開騷在即的她，獲住在附近的軒仔包伙食，軒仔笑說：「佢嗰啲係孕婦餐，我想谷肥佢。」
記者笑問是否想阿詩標奶水？她即大笑說：「其中一個項目就係表演標奶水，多謝佢一片苦心，佢表面細心，但內裏鹹濕。」
阿詩笑言軒仔是她的契爺，為人細心，還扮嘢問他：「驚唔驚我愛上你？」軒仔得戚地說：「好多人都係咁，食過翻尋味係我個人。」忙於綵排的阿詩透露會表演耍大旗，軒仔即說：「扯旗？」阿詩笑說：「扯唔起，不停畀人扑。」
森美為講粗口道歉
此外，森美以巨胸師奶Look現身，並為日前在電台節目不慎爆粗一事道歉：「真係老貓燒鬚！（電台有冇懲罰你？）冇，唔係刻意講粗口，只係講歪咗音，自己即刻道歉，又Check廣管局有冇投訴。」他還乘機搞爛Gag：「等於女Artist走光，好似DJ無端端走音。」
文、攝：音樂組