向來以導彈身材見稱的E Cup Baby（劉欣宜），除了一直為其E Cup上圍感到自豪外，她更自爆「胸懷大痣」，原來其左胸上暗藏一粒小小的「銷魂癦」，她說：「呢粒癦陪咗我好耐喇！雖然唔係好大粒，但係着比堅尼嗰陣都有少少礙眼，除咗呢粒癦之外，我左上臂都有一粒『人工癦』㗎！」
她表示這粒「人工癦」是由哥哥「所賜」：「小學嗰陣，阿哥成日整蠱我，有次佢攞支鉛筆係咁篤我隻手，唔小心插咗入啲肉度，支芯掹極都掹唔到出嚟，一直留到依家，咁就變咗粒癦喇！嗚嗚！」對於其驕人身材，E Cup Baby笑說：「好慶幸媽咪留咗一份咁好嘅禮物畀我，唔使走去豐胸，慳番啲錢！」
