有Blog女王之稱的日本女星中川翔子，是標準的Hello Kitty狂迷，她曾表示世界上有很多人愛狗，但只得貓咪Hello Kitty能吸引相等人數喜歡它，故對Hello Kitty十分尊敬，她曾聯同日本Sanrio公司推出一系列Crossover產品，包括杯、毛巾及原子筆等，其中一個啡色毛公仔戴上頸鏈，後面更有斑紋圖案，別具特色！

放大圖片	諸葛梓岐家中收藏的麵包超人產品逾五百件，認真誇張！	龔嘉欣最愛穿Hello Kitty服飾，袋中更有多款公仔隨身物。

Crossover服飾必買

香港代表則有龔嘉欣（Katy），從小已喜歡Hello Kitty的她，身上每件隨身物都能見到其蹤影：「細細個屋企人已經買好多Hello Kitty公仔畀我，變咗情意結，買咩都鍾意揀印咗Hello Kitty嘅Product，最近Hello Kitty仲同唔同牌子Crossover出服飾，令我愛不釋手！」

散紙包	波鞋	長袖上衣

Marie情迷麵包超人

諸葛梓岐（Marie）則對麵包超人情有獨鍾，家中有逾五百件收藏品，她說：「我5歲開始鍾意麵包超人，覺得佢肥嘟嘟好得意，同一般好硬朗嘅超人唔同，係我心目中最靚仔嘅超人，我一見到新出嘅產品就會買，最瘋狂一次係買咗個有人咁大嘅毛公仔，要成三千蚊，依家有車後，就買關於車嘅配件，同埋我屋企嘅麵包超人公仔係有專用梳化o架！」

威水貓咪玩Crossover

Hello Kitty於1975年推出的第一件商品是透明散紙包，是當時不少女孩恩物。為慶祝Hello Kitty誕生35周年，多個品牌及設計師聯同Sanrio推出一系列產品，包括和運動品牌Reebok合作的波鞋，品牌Jane Marple的針織上衣等，統統令人愛不釋手！

文：專案組