據美國網站Screen Daily報道，周潤發將接拍由劉香萍執導兼編劇的新片《Dancing With Strangers》，該片由西班牙電影公司Zip Films資助，講述百老匯舞蹈員返回德國及香港尋根的故事，製作費預算高達約1億1,700萬港元。其實早於兩年前，劉香萍曾表示女兒貝安琪會與發哥合作拍戲，但一直未有機會落實開拍。

荷里活星級演員助陣

身在德國的劉香萍，昨日接受本報電話訪問，對於記者得知她將與發哥合作的消息大感驚訝，但不大願意透露詳情：「我個女有份演其中一個要角，同發哥喺戲中會有微妙嘅關係！」她表示二人或會有共舞的場面。對於該片陣容卻非常口密：「依家唔講得住，唔想穿晒煲，我哋遲啲會喺香港開記者會交代，卡士會係荷里活演技精湛嘅星級演員，如果唔係點襯得起發哥！」

劉香萍表示邀請發哥合作的原因，是希望他演活居於歐洲的中國人，並大讚發哥舞技：「喺《安娜與國王》時已經睇到，今次佢跳嘅舞會同《安》片差不多，我哋都搵咗百老匯專業舞蹈員指導佢！」而她亦透露該片將於美國、上海、德國及西班牙拍攝，並成功取得內地批文：「中國政府睇完劇本之後都好鍾意，攞批文過程好順利！」她透露最快於今年聖誕後開始拍攝。

文：外娛組