台灣「童顏巨乳」女神瑤瑤（郭書瑤）第一次嚟香港，所有傳媒都睇準呢次機會邀請佢影輯「勁相」，點知佢助手左推右推，到最後只肯應承做報紙訪問，最離奇係瑤瑤當日落嚟酒店大堂做訪問時，竟然係冇化妝、冇梳頭兼衫鈕扣到上頸，小小So嚇到O晒嘴！
小小So：為何你不化妝？
瑤瑤：訪問不就是訪問嗎？要拍照的嗎？
大家等多佢半個鐘之後，瑤瑤再次現身，雖然係化咗妝，但一身造型繼續密實到不得了！
小小So：你在台灣不是一向以性感為主嗎？
瑤瑤：我簽了合約，除了代言活動，不能穿任何低V的衣服。
呢個世界竟然有咁嘅合約？點解見到佢喺台灣公開場合大晒身材？可能呢條條款係有地區性啩，要離開台灣先生效。
