英皇小花詩雅雖然入行年資尚淺，賺錢不算太多，但她對家人疼錫有加，出糧後更請全家去旅行，十分孝順！
早前詩雅豪花五位數，請全家去日本北海道旅行豪買豪食，認真抵得諗！詩雅笑說：「因為早排我同爹哋媽咪講，話請佢哋去旅行，但講完就收唔番，佢哋去咗五日四夜，我冇去㗎！（總數用咗幾多？）幾萬蚊，雖然我啱啱出嚟做嘢，賺錢唔係話好多，但我細細個已經有儲錢習慣，加上慳埋慳埋，可以請屋企人去旅行，我一向將親情睇得好重，最緊要父母開心，我諗暫時係我一世人最豪嘅一次。」
問到有否感到「肉赤」？她笑說：「畀錢嗰下確係有少少嘅，但見到父母拍拖去完呢趟浪漫之旅，充晒電笑晒口返嚟，我就覺得乜都值得嘅。」除了北海道外，詩雅亦曾請父母到北京旅行，圈中孝順女當之無愧。