向來愛打扮得Colorful的郭穎橋最愛穿民族服裝，收藏的民族服多達百件，而收藏品中，她最愛的是一條肥瘦人皆合穿的褲，她說：「呢條褲得意㗎！無論幾肥幾瘦都一樣合身，首先着咗佢上身，然後就摺起佢再綁埋條褲頭繩，咁就大功告成喇！另外仲有一件都好得意，佢可以一物二用，摺起當半截裙着又得，又可以變成一條Deep V嘅全身裙。」

送孕婦作賀禮

阿橋透露愛上民族服的原因，是因對身體某部位不滿：「以前覺得自己對腳好粗，所以成日着長裙遮醜，後來見到啲民族裙設計好靚，又夠Colorful，而且多數都係長裙或者闊身褲，啱晒我用嚟遮醜，所以就係咁買，買吓買吓就儲到依家咁多。」

這條Deep V裙摺起可當半截裙穿着，一物二用。	名模樂基兒及姬摩絲(右圖)均是民族服的擁躉。	放大圖片

她笑言首次穿上民族裙即獲朋友讚好睇，自此就更愛這打扮：「民族衫全部都係鬆身設計，所以身形唔使太Fit都可以着得好好睇，我曾經見過孕婦着起民族服裝都好靚，所以我成日同我啲朋友講，當佢哋有咗嘅時候，我會送條民族裙畀佢哋做賀禮。」