幾位選美出身的靚女鍾嘉欣、朱璇、張嘉兒與苟芸慧，昨日為首飾品牌行騷，其中以一襲性感低胸吊帶裙上陣的朱璇最搶鏡。以白色Tube Dress示人的鍾嘉欣出場時不慎踩到裙腳，驚險萬分！雖然她未有仆親及走光，但不幸踩爛裙腳，場面搞笑。

想男仔送首飾

事後，一臉尷尬的鍾嘉欣坦言當時最擔心走光：「當時真係好驚成條裙會跌落嚟！好彩平時喺TVB訓練有素，即時扮冇事繼續行，返入後台先叫工作人員幫我剪咗爛咗嘅地方。（仲有爛喎！）吓！唔係啩！好彩最後都冇事。（條裙係咪私伙？）大會嘅。」她還自爆讀書時亦曾發生過踩爛裙的瘀事，當時她出席畢業船河，特地花四百多加元訂造新裙，可惜最後被踩爛變半截裙！提到首飾，鍾嘉欣表示受電影《鐵達尼號》影響，自小已幻想有男仔送「海洋之心」給她，認為此舉十分浪漫。

Angelababy（左）與Janice Man未能打入「網友女神」三甲。 資料圖片

張嘉兒身穿低胸裙行騷，甚有睇頭！

此外，有討論區選出十大女神，結果三甲位置全由無綫花旦霸佔，鍾嘉欣力壓一班o靚模成為冠軍，楊怡與陳法拉分列亞、季軍，相反「o靚界女神」Angelababy與Janice Man不入四甲。

華姐冠軍朱璇與苟芸慧(右圖)齊齊行騷。

放大圖片

文：影視組