江若琳昨日穿上華麗Tube Dress，佩戴價值32,000港元的后冠，在酒店舉行盛大生日會，與200多名Fans預祝22歲生日。圈中好友包括鍾舒漫、小肥、陳楚喬、Square、彭發和公司高層均有到場，至於唐素琪、官恩娜及HotCha等則拍短片祝賀。

江若琳與Square翹手進場，又獲小肥化身的神秘王子獻花和半跪求婚，兩人更翩翩起舞，感覺似婚禮多於生日會。壽星女亦坦言恨嫁，她說：「生日願望係快啲有拖拍、事業順利，每個女仔都夢想有個幸福家庭，我同鍾舒漫喺後台講，希望日後大家結婚可以做對方伴娘，但最後決定十年後一齊舉行婚禮！（依家有冇人追？）都有圈外人嘅，因為圈中人知我男仔頭唔會追。」她又透露剛收到消息，已獲批領養厄瓜多爾一名三歲女孩，並收到對方的手繪信件，令她相當興奮。

James（左起）、陳楚喬、江若琳、鍾舒漫、Brian及Gary齊齊吹蠟燭。

小肥向江若琳獻花後，即邀請對方共舞。

拒做高齡產婦

鍾舒漫台上與江若琳飲交杯酒，又攬頭攬頸扮錫面，相當老友！提到與江若琳結伴出嫁，鍾舒漫解釋因怕遲婚，亦不想做高齡產婦，問到是否正在蜜運？她說：「冇呀！不過我鍾意男人有責任感。」同場的彭發則表示不知彭順為何沒有出席，亦不清楚李心潔是否懷孕，他說：「我冇問過佢，因為一個原因。（李心潔有喜？）我覺得唔係，我都好耐冇見佢。」

江若琳獲大批Fans慶生，自然喜上眉梢。

壽星女江若琳開香檳慶祝，心情靚爆。

另外，江若琳前晚出席綜藝晚會活動，她表示眼部微絲血管問題已康復，並有意做矯視手術，問到會否自此不再戴大眼仔，她說：「人大咗會踏實啲，不過我仲貪靚，會繼續戴。」