草蜢三子人緣甚廣喺圈中好吃得開，早排佢哋結伴出席公開活動，蔡一傑一到場就見到陳自強，就好識做咁即刻上前擁抱仲耳語一番，果然係尊重前輩。其後蔡一智同蘇志威都好識做，上前同陳自強擁抱問候，做足後輩應要有嘅禮儀。由於活動嘉賓眾多，大會安排嘅座位不足，三子毫無怨言，靜靜咁企埋一邊欣賞。大會見狀即刻增加座位，三子不但冇爭位坐，蔡一傑仲好識做咁，主動走去陳自強面前，拉住佢叫佢坐喺最前排嘅新加位置，避免前輩喺後排欣賞唔到節目，又可以凸顯對方前輩身份。