樂基兒借霏擋箭

樂基兒肚凸凸出席活動，竟借吳雨霏的金曲迴避大肚問題：「你哋好似一隊兵咁，我抖唔到氣，有時《逼得太緊》！」

解讀：老公黎明憑「坎坷過後有艇搭」出口成文，樂基兒就憑《逼得太緊》出口成歌，不愧絕配！

貢米遇神主牌

朱永龍早前與貢米追風時說：「有個神主牌吹埋嚟，差啲踩上去，好彩眼明手快執番放埋一邊！」

解讀：雖然大風，不過神主牌應該安坐家中，點會大風到吹出街o架？

亞姐「吸」朱古力餅

被指在街頭「吞雲吐霧」的候選亞姐戴瑞姍死撐：「係咪嗰啲香煙形朱古力呀？我最近有食過呢啲朱古力！」

解讀：乜依家仲有得買香煙形嘅朱古力咩？借問戴小姐喺邊度買？

陳慧琳起「點心學校」

陳慧琳有意用愛兒乳名「蝦餃仔」起學校：「用『蝦餃仔』個名起小學，但驚啲人會以為係點心學校！」

解讀：不如改名啦，斷估「劉昇小學」點都好過「蝦餃仔小學」啩？