謝安琪（Kay）跟官恩娜（Ella）最近成為網民熱爆談論對象，Kay前日為禁毒活動擔任壓軸嘉賓演出，對Ella演唱其大熱作品《囍帖街》被網友讚唱得比她好，Kay說：「大家各有風格，我好少將歌拎嚟比較。」她亦讚賞Ella唱得好，問到可會跟她同台「比試」？Kay說：「唔會去諗比較，但可以跟唔同音樂人合作係開心事。」

Ella在另一場合中自嘲未如對方般級數：「唔可以咁樣，啲網民過分誇獎！阿Kay有成就得多，不論事業、家庭都管理得好好。」她還強調她們私底下是好朋友。

經理人斥搞針對

Kay備受批評，張繼聰力撐太太是位好歌手，更與太太的監製經理人周博賢聯手平反！阿聰雖然亦讚Ella唱得好，但反對網民將兩人比較：「每個人睇法同喜好唔同！（網民將阿Kay惡搞？）有啲人鍾意惡作劇，瑕疵每個人都有，唔可以刻意放大，阿Kay有佢叻嘅地方。」周博賢（圓圖左）則在Blog力斥部分網民搞個人針對，刻意將「走音」無限放大。他感慨有人剪輯走音片段，但唱得好的又不剪，不應以走音來評定歌手好壞，應以「整體演出」來判斷。他又指麥當娜亦會失準：「莫非麥當娜都要『收山』？」